10 Things I love about Naija – Pidgin English [pt4]


Once again I’m back with part 4 of my series, 10 things I love about naija. Well part 4 of my series, is about the one thing I feel is the most unique thing about naija. Pidgin English, or broken english or whatever you want to call it is, in my opinion, the most unique aspect of the nigerian culture. With that being said I go continue this post with pidgin. Make I talk small history of pidgin english… if u no understand, then try follow, if u no fit try sef, then nothing for you..lol.

Fela... used pidgin english a lot in his music

Pidgin english nah derivative of English, mixed with words and phrases from hausa, igbo, yoruba, and a couple of other major tribes. The funny thing be say the people wey speak am pass nah warferians… U don hear waferian (warri people) speak pidgin before? E be like say nah another language wey dem dey yarn sef. My cousin (also a waferian) dey always tell me say warfe pidgin dey like 3-5 years ahead of wetin the rest of naija dey yarn. Anyways, back to some correct facts about pidgin… the language nah native laguage for about 5 million nigerians, and about 75 millions people across west africa dey speak am as 2nd laguage. Countries including Ghana, Cameroon, and Senegal… even though Ghanians dey substitute “ole boy” or  “ole girl” with “Charlie”…lol. The thing dey always weak me when I hear am… I dey always think say Charlie nah person wey dey the room with us…lol.

Some other things wey dey trip for pidgin nah the similarities with Carribbean yarns. Pidgin and jamaican patois get enough words in common including pikin, una, and some other ones like that. Persin even tell me say some of the yarns for pidgin get portuguesse decent sef. Example,”Sabi” for pidgin nah “to know”.. same as “Saber” for portuguesse mean “to know”… maybe nah all those slave trading wey those oyimbo people do wey dem come dash us one word.

Omo man… I no fit begin to even comprehend which kind person I go be if I no sabi yarn pidgin. I no fit coagulate my world without words like “koro koro”, “nyama nyama”, “ashawo” or yarns like “wetin dey happen?”, “how far?”, “no wahala”, my warri people go say “whish ones now?”… kai… my children must to learn pidgin.. by force by force….even if I have to send them to downtown ojuelegba grammar school for 3 years… all dis fone` no go fly for my house. They must to yarn pidgin well well… No “warer” or “poraro” yarns man.

Sometimes I no fit fully describe situation unless I explain am for pidgin… example describing a babe wey ugly well well… to fully describe this u gats to say “the babe wor wor dey shout with loudspeaker”… “u dey see the wor wor from long distance”…or you wan kowaciate about a fine babe wey get nice body, you go talk “omo the babe too set men… enough peak milk, and bakassi peninsula for boyz” …or maybe you want to rake one okada man wey no wan give you change, “You dey mad!!!… i swear to God if you no give me change, nah me and you go enter the same trouser”…Imagine saying that in regular english – “I swear to God, if you don’t give me my change, I’ll get into your pants”… the thing sef no carry weight… I might even get a slap sef to add to not getting my change…or maybe u dey try describe something brand new, you go yarn say the thing nah “tear rubber” or “chasis”. Where we dey get all these words from sef?, nah only God know. lol

Anyways, I thank God say I sabi yarn pidgin man, and ever since i enter yankee I dey feel pidgin more and more. Nah like the naija universal language wey all man wey grow up for naija fit understand… unless those wey no gree enter bus or okada for naija, or those wey dey form say dem no wan speak… *hiss*… foolish none-entities…lol. So as I dey conclude this post, I go switch am back to regular “correct” english as an educated man concerned.

For those that understand pidgin english, it’s truely an art in it’s own form. No pronouns, no verbs, no real sentence structures, no textbooks to learn pidgin english, no Rosetta Stone cds to learn it quickly. You either know it or you don’t. Pidgin English – one of the reasons I love my beloved country, Naija!

God Bless Naija, and God punish anyone wey no wan Naija to progress!

Check out dis oyimbo guy wey dey yarn pidgin well well


  1. Riri, you are CRAZY and I love it. Lmaooooo, see as I just dey cover laugh for this end…abeg you no go kill me on top this Jaguda o. Shuoooo…

    But bros you tok true sha ooo! Pidgin na the way to go and awon babes just dey blow dey go, if peeps like make dem tok say I be razz chick. As a PH born and bred, I suppose dey nack the tin pass na. Plus when pesin just dey mess up and we wan tok about them, na pidgin wey we go use to enter the yabbis.

    But I just dey laugh hia o… Is it, 'The babe worwor dey shout with loudspeaker' abi 'the babe set with peak milk'…hahahaha, nna I totally hear that.

  2. lol …..oboy i ould not understAND SOME WORDS as an AJE NOW lol…but this is mad funny…..make i read am again so i go fot nack pidgin like orginal mgebeke…lol

    u know who dis is:)

  3. Norrin do you jare… Pidgin English na the live jingbo jooo…

    The subtle nuances of meaning ingrained in pidgin english make it the language of choice for the unappolegitically Naija peeps!

  4. Omo I just dey feel your P for here.. I just dey learn how to knack de tin. so my accent never gel yet.. but time go soon come….this you blog dey make my heart go yori yori..lwkm!

  5. lmao @ akabagucci.. da guy enta d yarns wit pidgin but as i enta d second line o boi i lost ooo! Mehn pidgin na d way forward ooo if u neva sabi am, na u dey carry last!

  6. Omo guy, no be lie, u too tight. i dey feelo ur jingo live!!! and as a waffarian wey no dey carry last, if e too hard we go draw, i say carry go. I must say i'm impressed with the site in itself!!! Naija till i die!!

  7. ol boy nothin do u at all at all..ah ah this site is too bad..in fact..JAGUDA TOOOOO BAAAAAADDD!!! u too talk true yarn..nobody fit sabi pidgin english like naija pple.."The babe worwor dey shout with loudspeaker" abi "the babe set with peak milk"…CLASSIC!! honestly how naija go be without pidgin english? like Michael Jackson (RIP) without moonwalk

  8. ma guy na true yan bi dat oo!!!….from naija, uk, france, india, NY to Rio, ukrain, chaina and dem oder conti wey i enter omo every naija peeps jus dey nak pigin dey goo, the tin bi like the universal naija langi…..dem don even forget dem tribal langi o!!!

    And im givin props to d site for keepin me in touch with home….i feel like say i still dey naija!!!

  9. o boy ,i dey hail the naija dude wey begin this PRG,the tin sweet me die,i bin don start small tin for facebook wey we dey call Crusaders (one Naija under God) .

    We dey talk say we be one under Oluwa, we dey beg say if we fit com togeda begin dey hail ,dey praise dey promote all those tins wey be original Naija say our life as Naija people go better well well and one of the tins when we dey collide well well na our pidgin, everybody for naija dey hear am,

    infact we dey campaign say make we use am dey teach science and mathematics for school other tins dey like our muzic, our food,(rice and beans, dodo,kpomo,tuo Akpu ,shaki ,orishirishi ) our home video dem plenty plenty check am now, make we promote dis tins dem wel wel ,we be one Naija,all those Boko Haram no be Naija life na Fake dem be

  10. Oboy I no fit shout for this your article men….. Laff wan give me orgasm for this place as I dey dey read am. U suppose write article soon untop all dis new slang wey naija men dey commot with like all dis lwkmd instead of lmao…… U knw say Naija man no fit carry last nw…….

  11. bros, i feel u die! but d tin wey dey pain me inside all of dis b say, some persins, wey tink say we no suppose get our own language, don go open our nyansh for dstv. on africa magic fa!! d bobo wey dey translate sef, e resemble fish wey my mama no gree cook.


Please enter your comment!
Please enter your name here